गीत- मन धीर धरो ©संजीव शुक्ला

 (तोटक छंद - आधारित )

चरण - 4, वर्ण - 12, 

मात्रा -16, सगण × 4 (llS×4)

न अधीर रहो, मन धीर धरो, 

निज साहस की अँगुरी पकरो l

पथ के परितापन से न डरो, 

विजयी हठ ठान हिये निकरो ll

बिजुरी,कटु कर्ण पयोद बजे, 

नभ ते बरु काल घटा गरजे l

पथ भ्रान्ति वृथा उपजे मन में, 

निज लक्ष्य धरे, कबहूँ न तजे l

मग में विपदा बहु कंटक हो, 

धरि धीरज संकट ते उबरो ll

गिरि उच्च खड़े मग ज्वाल बरै,  

पथ रक्त भरे पद चिन्ह परै l

सरि धार प्रसार करे कितनौ, 

विजयी पथ से कबहूँ न टरै l

विधि संतति सर्व समर्थ सदा, 

निज पौरुष रंच विचार करो ll

विपदा  नर से न बड़ी कबहूँ, 

सब वेद पुरानन सार कहूँ  l

निज के अवलम्ब सदा जन जे, 

तिन होत सहाँय नरायन हूँ l

दृढ़ता लखि मेरु भओ रज सों, 

विष कुम्भ भओ घट सोम भरो ll

©संजीव शुक्ला 'रिक्त'